Ketill

Unanfarin ár hafa stjórnvöld hér í Kína verið að slaka upp á þvi að leyfa erlendum listamönnum og skemmtikröftum að koma hingað og sýna og leika listir sínar.

Hér ríkja ákveðin lög og reglur , rétt eins og annarsstaðar og þótt svo að þessir gestir hafa ekki verið alltaf sammála þeim, þá hafa þeir virt þessi lög og reglur , rétt eins og þau gera þegar þau ferðast annars staðar.

Þetta hefur orðið til þess að það hefur skapast traust milli erlendra listamanna og stjórnvalda í Kína og framboðið að hágæða atburðum hefur aukist , skref fyrir skerf og skerfin hafa verið að stækka.

Það er alveg ljóst að Björk hefur með sinni frábærri framkomu skemmt þessa þróun og á næstunni þá verður erfiðara fyrir listamenn að koma hingað , og það sem meira og verra , hún hefur séð til þess að fólk sem býr hér í Kína , það mun ekki hafa eins greiðan aðgang að hágæða list eins og það vonaðist til .

Björk , ef þú hefur svona óendanlega þörf fyrir að tjá þig um sjálfstæði ríkja , gerðu það þá sem persóna og haltu því fyrir utan þína list og sérstaklega , ekki gabba fólk til að borga fyrir að hlusta á þínar pólitísku skoðanir , það er algjör lágmarkskrafa.   Fólk borgar töluverða peninga fyrir að hlusta á þig sem listamann , það er ekki að borga fyrir að hlusta á hvað þér finnst hvað sé rétt og rangt eða þína pólitísku skoðanar, haltu þeim fyrir utan tónleikana.

	Kínverjar herða eftirlit með skemmtikröftum
Ábyrgðarmaður færslu Tilkynna um óviðeigandi tengingu við frétt

Það virðast ekki vera nein takmörk fyrir því hvað hægt er að leggja á eina stelpukind.  Þetta er einelti af sverustu og ljótustu sort.  Einhver frigging bílasali að æsa sig út af tveimur greiðslum og fá smá athygli í staðinn.

En vonandi slær nú daman til og leyfir gamla manninum að mynda sig, þau ættu það bæði skilið, hann að fá að birta myndir af henni, hún að fá að vera í blaðinu og við svo öll hin að fá tækifæri á því að lesa og skoða blaðið. 

	Benzinn hennar Parísar gerður upptækur
Ábyrgðarmaður færslu Tilkynna um óviðeigandi tengingu við frétt

Það verður seint hægt að bera uppá Kínverja að þeir leggi í einhvern óþarfa kostnað, sérstaklega þegar á að taka peninginn úr þeirra eigin vasa.

Fór og fékk mér einn espresso áðan út á Starbuck áðan, og meðan ég var að bíða eftir að þeir löguðu kaffið fyrir mig, þá leit ég inní Sony básinn sem er því sem næst samtengdur kaffihúsinu.  Þar var töluvert úrval af myndavélum og fleiri tækjum og meðal annars tölvur og sá ég strax eina sem leit mikið betur út en allar aðrar.  Þessi tölva var tengd internetinu og var tengd inná einhverja síðu sem mér sýndist eitthvað vera í líkingu við hlutabréfa markaðinn.

Allt í einu kemur vinur minn sem vinnur á kaffihúsinu , Mr. Wilson, og mér sýndist hann vera að skoða vélina rétt eins og ég og hugsaði með mér, "mikið held ég honum langi nú í eina slíka" , og spyr hann hvort hann haldi ekki að þetta sé mjög góð tölva .  "Nei, þetta er vonlaus vél , handónýtt drasl, einskis virði" segir hann, ég hvái og spyr hvers vegna og hann svar um hæl og segir  "allt of dýr".  Þar með var þessi flotta tölva orðin að bölvuðu drasli þar sem verðmiðinn var allt of hár.   Auðvitað hugsa ég með mér, hann hefur nú ekki nema um 20.000 ikr í laun á mánuði , hann var búin að segja mér það áðu,r og að kaupa 150.000 krónu tölvu , það er nú bara meira en að segja það fyrir karl greyið.

Nema hvað, hann fer ekki í burtu og er að djöflast í þessum línu ritum og ég spyr hann hvort þetta sé verðbréfamarkaðurinn í Shanghai.  Jú jú , rétt til getið, þetta var hann og það sem meira var, hann var tengdur inná SINN "verðbréfa reikning"  og hann fer að sýna mér hvernig þetta virkar allt og hvernig hann geti keypt og selt og séð hvað hann er búin að græða mikið og hvað mikla peninga hann eigi í dag o.s.frv.

Kemur ekki í ljós að þessi kaffihúsa þjónn er búin að hala inn 500.000 krónur, bara í þessum mánuði og að auki var hann með fullt af pening inná þessum verðbréfa reikning.  Hann stundar þessa iðju sína á milli þess að búa til Espresso og aðra kaffidrykki , og ofan á allt saman, þá notar hann tölvur sem eru til sölu í Sony básnum, og sennilega netsamband frá Starbucks.

Niðurstaðan er þessi.

Mr. Wilson mætir til vinnum um átta leitið á morgnana, á hreint, hlýtt , loftræst fyrsta flokks kaffihús.

Honum er útvegaður vinnufatnaður, þannig að það er ekki kostnaður fyrir hann.

Hann fær frítt að borða og drekka, engin leki á peningum þar

Hann getur stundað verðbréfaviðskipti allan daginn og fær frían aðgang hjá Sony tölvum (að vísu bölvað drasl vélar, allt of dýrar, en það er hægt að notast við þær.) . Engar fjárfestingar hér

Internet samband fær hann frá Starbucks, engin leki á peningum hér.

Sennilega er mesta bölið og mestu vandræði Wilsons fólgin í því að lenda á frívakt, því þá þarf hann að redda sér einhvern veginn internet samband og það gæti kostað eitthvað, en ef ég þekki kauða rétt, þá kæmi mér ekki að óvart að hann hefði aðra vinnu sem passaði við frívaktirnar hjá Starbucks og þar væri líka Sony eða IBM bás sem hann hefði góð sambönd í .

Á meðan viðskiptavinirnir sitja og sötra kaffi sem hann hefur hellt uppá , þá skreppur Wilson yfir í Sony básinn og tekur verðbréfastöður í Kínverskum fyrirtækjum á verðbréfamarkaðnum í Shanghai og svo bara fer hann og hellir uppá meira kaffi meðan bréfin rjúka upp um 1-3% að jafnaði á dag.

Eftir að hafa rétt litið yfir þessa frétt sem er í sjálfu sér ekkert merkileg þar sem vitað var að þessi maður var til, fór ég að lesa bloggin tengd henni. 

þau voru að mínum dómi mun merkilegri en fréttin sjálf, að undanskyldu vantrúar commenti sem aldrei klikkar og þ.a.l. ekki neitt óvænt við það, svo merkileg að það varð til þess að ég skráði mig sem mbl.is bloggara.

Það er með hreint ólíkindum hvað getur dottið inní hausinn á fólki þegar trú er annarsvegar, því eru bara engin takmörk sett.

Eins og hafi ekki alltaf verið vitað að þessi maður var til , og enn leyfar af byggingum og dóti tengdum honum , og þótt svo þeir hafi fundið einhverja beinagrind eða geymslustað líks, hvað kemur það kristnidómi við, ég á ekki eitt orð. 

Skrifandi um líkhús, þá kom kunningi minn til mín um daginn, voða hróðugur, búin að afsanna kenningu mína um kínverskar núðlur eru í raun copy/paste klúður kínverja þegar þeir voru að reyna að búa til Italian spagetti sem Marco Polo sýndi þeim um árið.  Hann sagðist hafa séð það í blaði um daginn að það fannst 5000 ára gamalt líkhús fyrir tveimur mánuðum siðan , og viti menn, hafði líkið ekki verið kvatt og sent yfirum með NÚÐLUR í skjóðunni.  Hvernig þessar 5000 ára núðlu súpa lítur út núna, ekki veit ég það.

Mér fyndist virkilega spennandi að vita hvað Heródes fékk í nestisboxið þegar hann fór yfir móðuna miklu , en það á sennilega eftir að koma í ljós á næstu dögum og mun ég fylgjast spenntur með. 

	Gröf Heródesar fundin
Ábyrgðarmaður færslu Tilkynna um óviðeigandi tengingu við frétt